Telekommunikasiya operatorları və provayderlərin NƏZƏRİNƏ: Gec cavab versələr cərimələnəcəklər – MƏBLƏĞbackend

Telekommunikasiya operatorları və provayderlərin NƏZƏRİNƏ: Gec cavab versələr cərimələnəcəklər - MƏBLƏĞ

Telekommunikasiya operatoru və provayderi tərəfindən sorğuların müəyyən edilmiş müddətdə cavablandırılmamasına görə cərimələr müəyyənləşir.

OnlinePress.az-ın xəbərinə görə, bununla bağlı İnzibati Xətalar Məcəlləsinə 370-2-ci maddənin əlavə olunması təklif edilir.

Nəzərdə tutulan maddənin pozulmasına görə vəzifəli şəxslərin 300 manatdan 500 manatadək, hüquqi şəxslərin 100 manatdan 1500 manatadək məbləğdə cərimə edilməsi nəzərdə tutulur.

Eyni hal inzibati tənbehvermə haqqında qərar qüvvəyə mindiyi gündən bir il ərzində təkrar olunarsa, bu zaman cərimə məbləğləri artırılır.

Bu zaman vəzifəli şəxslərə 500 manatdan 700 manatadək, hüquqi şəxslərə isə 1500 manatdan 2500 manatadək cərimə tətbiq olunacağı təklif edilir.

“Telekommunikasiya haqqında” qanuna əsasən, telekommunikasiya operatorları və provayderlər müvafiq icra hakimiyyəti orqanının, məhkəmələrin və hüquq-mühafizə orqanlarının sorğularına üç iş günündən az olmayaraq cavab verməlidir.

Qanun layihəsi Milli Məclisin iyunun 19-da keçiriləcək iclasında birinci oxunuşda müzakirəyə çıxarılacaq.

 

OnlinePress.az

  •  (0)
  •  (0)